(१) निर्वाचनको लागि मतदाता
नामावली प्रकाशन गर्ने, मतदाता नामावलीमा दावी विरोधको सुनुवाई गर्ने, अन्तिम
मतदाता नामावलीको प्रकाशन गर्ने, उम्मेदवारको मनोनयन पत्र जाँच्ने, मनोनयन पत्रमा
दाबी विरोधको सुनुवाई गर्ने, मतदान केन्द्र तोक्ने, मतदान गराउने, मतगणना गर्ने र
निर्वाचनको परिणामको घोषणा गर्ने जस्ता निर्वाचन सम्बन्धी सम्पूर्ण काम, कर्तव्य र
अधिकारको प्रयोग निर्वाचन समितिले गर्नेछ ।
(२) उपनियम (१) बमोजिम निर्वाचन समितिले यस नियमावली बमोजिम
आफूलाई प्राप्त अधिकार प्रयोग गर्दा निर्वाचन सम्बन्धी फारामहरूको ढाँचाहरू तोक्ने,
निर्वाचनको लागि अन्य आवश्यक निर्देशिकाहरू जारी गर्न र निर्वाचन सम्पन्न गर्न
आवश्यक पर्ने व्यक्तिहरूलाई काममा लगाउन सक्नेछ ।